إغنية جديدة من الرابير اللداوي حسن إم سي , Hassan MC , و شفنا حسن بعدة أغاني على الشبكة أخرهم كان القرش الحرام و غزة, بس اليوم حسن إم سي بحكي بالإغنية عن العيشة الي بعيشها كل عربي تحت ظل الإحتلال و إهتمام الفرد العربي بأشياء بتجرنا للخلف و بتمنعنا من التقدم للأمام...رغم المصاعب الي بحكي عنها حسن بس ما زلنا عايشين ! بهل زمان ! بلا أمان ! لانه الإنسان بطل إنسان " ياباااا " , بتركم تفوتو و تسمعو الإغنية ...
تاريخ النشر : 02.22.2010 | عدد التعليقات : 13 | عدد الزيارات : 9138 |
المزيد
فرقة الجي تاون , صناع الهيب هوب الفلسطيني بفيديو كليب جديد لإغنية خلينا ندوئك الإغنية الي نزلت قبل فترة على الإنترنت و كتير الناس حبوها فـ قررت الفرقة تساوي فيديو كليب صغير هيك حلو لكل جمهورها ! فوت و إحضر و خلينا ندوء الناس الي لازم ندوئها .. وبحب احكيلكم ! في كمان فيديو كليب علـ طريق مع إغنية مفاجئة من الفرقة وهل مره الكلام رسمي ! و شي مخيف ! وراح تكون ضربة قوية جداً جداً..من القدس !
تاريخ النشر : 02.21.2010 | عدد التعليقات : 21 | عدد الزيارات : 9794 |
المزيد
شادية منصور و اليوم بمشاركة الرابير M1 من الـ Dead Prez بإغنية جديدة بعنوان الكوفية عربية و اليوم خلينا نشوف دعاية الإغنية او نقول الـ Promo الي بحكيلنا إنه الإغنية راح تطلع بشهر 3 .. يعني الشهر الجاي حبايبي ! وراح نكون مع معلومات أكتر عن الألبوم الي بتجهز فيه شادية و بنتوقع يكون ضربة قوية بعالم الراب العربي عامه و الراب الفلسطيني خاصه , لانه شادية معروفة بقوة الراب الخاص فيها و بئسلوبها الهجومي الي بفتقر إلو كتير من الرابيرز هاي الأيام .
تاريخ النشر : 02.21.2010 | عدد التعليقات : 20 | عدد الزيارات : 3561 |
المزيد
بدك تسمع راب ؟ .. راب عنجد ؟ .. الراب عمي مش بس إنجليزي بعد اليوم ! لا كمان الراب فلسطيني , اليوم مع الرابير الفلسطيني NOMASY , رابير من مخيمات فلسطين بلبنان لـ إستراليا لـ العالم كلو بفيديو جديد لإغنية نوقف سوى " نوئف سوا " .. يعني جد هاد هو الراب الحقيقي الي من الشارع للـ شارع ! بدون كلام معقد وبدون تعقيد علدان خلينا كلنا نفوت نحضر الفيديو , نسمع الإغنية ! ونترك التعليقات المناسبة !
تاريخ النشر : 02.15.2010 | عدد التعليقات : 27 | عدد الزيارات : 5042 |
المزيد
الرابير العكاوي MC Morad من الرابيرز الي دايما بتواصل متواصل مع شبكتنا بكل جديدهم , اليوم MC Morad بإغنية جديدة بعنوان " بقولو الصبر طيب " من تسجيل وإنتاج DJ Chuck " تشارلي شعبي - عكا " , وبنحب نحكي إنه مراد بتقدم مستمر وملاحظ بين أغانيه القديمه و الجديدة , و بنتمنالو كل التوفيق .
تاريخ النشر : 02.12.2010 | عدد التعليقات : 16 | عدد الزيارات : 6276 |
المزيد
زي ما تعودنا من الـ DARG Team , الدرج ! اه .. دايما صوت لكل غزة بالراب الي من الفرقة بطلع لـ أذان المستمعين و محبي الفرقة .. اليوم الفرقة بإغنية جديدة نوعياً بتطالب بالديموقراطية و تطبيقها من قبل الحكومة .. أي حكومة ؟ الحكومة الي تم إنتخابها بشكل ديموقراطي قبل أربع سنين و لازم يتم إعادة الإنتخابات بعد مرور 4 سنين على هاي الإنتخابات .. بدناش نحكي كتير !
تاريخ النشر : 01.24.2010 | عدد التعليقات : 50 | عدد الزيارات : 44144 |
المزيد
طلحة العلي , او المعروف بـ Wise Wolf موهبة من المواهب الي ظهرت بعد برنامج هيب هوب فلسطين البرنامج الي ركز ع دعم مواهب الهيب هوب الجديدة بفلسطين و تقديم عدة عروض و حفلات في مختلف أنحاء فلسطين , طلحة العلي كان معنا قبل هيك بفيديو لـ إغنية بتحكي عن مقاطعه المنتوجات الصهيونية و اليوم معنا بإغنية بإسم " ليالي عاصفه ", الإغنية عبارة عن مجموعة من الأفكار الموجودة " براس " طلحة وطلعها بالطريقة الخاصه فيه و الي بقدر يعبر فيها ..
تاريخ النشر : 01.23.2010 | عدد التعليقات : 29 | عدد الزيارات : 16546 |
المزيد
فرقة بدون قناع , من قرية إكسال بشمال فلسطين المحتلة بعد ما نقطعت أخبار الفرقة و زمان ما سمعنا منهم إشي بترجع بإغنية جديدة " تضلكاش بعيد " بعيد عن لون الأغاني الوطنية لـ أغاني الحب من محمد يحيى و أسل و هديل بنقدمها لكل زوارنا بالشبكة الرسمية للراب و الهيب هوب الفلسطيني , بنستنا الكل يفوت يسمع الإغنية ويتركلنا تعليقاتو..
تاريخ النشر : 01.21.2010 | عدد التعليقات : 18 | عدد الزيارات : 16826 |
المزيد
البحث بالموقع 
عايشين
