زي ما تعودنا من الـ DARG Team , الدرج ! اه .. دايما صوت لكل غزة بالراب الي من الفرقة بطلع لـ أذان المستمعين و محبي الفرقة .. اليوم الفرقة بإغنية جديدة نوعياً بتطالب بالديموقراطية و تطبيقها من قبل الحكومة .. أي حكومة ؟ الحكومة الي تم إنتخابها بشكل ديموقراطي قبل أربع سنين و لازم يتم إعادة الإنتخابات بعد مرور 4 سنين على هاي الإنتخابات .. بدناش نحكي كتير !
تاريخ النشر : 01.24.2010 | عدد التعليقات : 42 | عدد الزيارات : 13247 |
المزيد
طلحة العلي , او المعروف بـ Wise Wolf موهبة من المواهب الي ظهرت بعد برنامج هيب هوب فلسطين البرنامج الي ركز ع دعم مواهب الهيب هوب الجديدة بفلسطين و تقديم عدة عروض و حفلات في مختلف أنحاء فلسطين , طلحة العلي كان معنا قبل هيك بفيديو لـ إغنية بتحكي عن مقاطعه المنتوجات الصهيونية و اليوم معنا بإغنية بإسم " ليالي عاصفه ", الإغنية عبارة عن مجموعة من الأفكار الموجودة " براس " طلحة وطلعها بالطريقة الخاصه فيه و الي بقدر يعبر فيها ..
تاريخ النشر : 01.23.2010 | عدد التعليقات : 22 | عدد الزيارات : 6089 |
المزيد
فرقة بدون قناع , من قرية إكسال بشمال فلسطين المحتلة بعد ما نقطعت أخبار الفرقة و زمان ما سمعنا منهم إشي بترجع بإغنية جديدة " تضلكاش بعيد " بعيد عن لون الأغاني الوطنية لـ أغاني الحب من محمد يحيى و أسل و هديل بنقدمها لكل زوارنا بالشبكة الرسمية للراب و الهيب هوب الفلسطيني , بنستنا الكل يفوت يسمع الإغنية ويتركلنا تعليقاتو..
تاريخ النشر : 01.21.2010 | عدد التعليقات : 14 | عدد الزيارات : 6478 |
المزيد
القيادات العربية , الحكام العرب .. روس الأموال العرب .. كل الشباب الطيبة إلي إحنا الشعب المسكين ضايعين بين إجريهم , اليوم لقينا حد يعبرلهم عن مشاعرنا الصادقه إتجاهم و لقينا حد يفشلنا غلنا بطريقتو .. الـ D.R. من فرقة The Palestinian Rapperz بإغنية جديدة بعنوان أصحاب الجلالة بنقدمها لكل شباب البال راب , يسمعوها و يتركولنا تعليقات حول الموضوع , لانه موضوع جميل جداً .
تاريخ النشر : 01.19.2010 | عدد التعليقات : 14 | عدد الزيارات : 18029 |
المزيد
طعم الألم ؟ أه طعم الألم .. 13 شهيد, علاء الدين وإبراهيم سلطان و ألبوم الهجرة وكتير أخبار و كتير كلام بدور حول الفرقة ! هي إختفت ؟ هي وقفت ؟ هي وينها ؟ الفرقة يا حبايبي لسا بتشتغل و لسا بتقدم كل جديد لكل عشاق الهيب هوب العربي و بدايات الهيب هوب العربي, وصلنا من أصدقاء الفرقة مجموعة من الأغاني الي في منها جديد راح يكون عليكم و المنها قديم للفرقة بس حرام تضيع ؟ ليش عشان ما يضيع الهيب هوب العربي الصح و في معنا كمان أخبار عن الفرقة وعن ألبومهم مؤكده من الفرقة .
تاريخ النشر : 01.14.2010 | عدد التعليقات : 6 | عدد الزيارات : 22584 |
المزيد
صديق قديم للشبكة ومتابع لأخبار الشبكة , زي ما تقول جمعتنا و على راسنا الرابير الإردني Dr.Mex المقيم حالياً في بولندا عشان الدراسة الله يوفقو و يوفقنا, المهم زي ما الكل بعرف " الناس كلها محتاره , وصارلنا سنين بنلف بنفس الداره " يعني زي ما وصلتك الفكرة كتير رابيرز صعب يوصل صوتهم لو ما في الدعم اللازم لهاد الصوت فـ حابين نقدملكم كمشة من الأغاني لـ Dr.Mex لحتى الكل يسمعها و يقيمها ومن مره يتركلنا تعليق .
تاريخ النشر : 01.14.2010 | عدد التعليقات : 10 | عدد الزيارات : 9568 |
المزيد
فرقة الـ Dark Times , فرقة من غزة الي كتير وصلنا أخر فترة أخبار من هاي المدينة المحاصرة من قبل الإحتلال الصهيوني من جهه و الحكومة المصرية من جهه إخرى فشباب هاي المدينة بدأ يتوجه لـ إسلوب الهيب هوب الي شاف فيه طريقة للتعبير عن جميع الضغوطات البتواجه الشب الفلسطيني بمدينة غزة , مع إزدياد مشاكل المدينة تعقيد و توجه حل مشكلتها لـ نقطه البداية مع كل يوم جديد بمر للأسف !
تاريخ النشر : 01.12.2010 | عدد التعليقات : 19 | عدد الزيارات : 10289 |
المزيد
إذا مفكرين حالكم بتعرفو الراب الإردني كيف بكون ! غلطانين, لسا في MC لسا ما تعرفتو عليه ! لازم تتعرفو عليه !! " من رامي جي بي " , أحمد الخالدي المعروف بـ MC Puck إم سي من الإردن سمعنا عنو قبل .. بتسألني وين ؟ ما بدي احكيلكم وين ! فوت و إسمع إغنية الخالدي الجديد الي بتحمل عنوان " إختفي " , كـ العاده كل إم سي بقدر يطلع ويحكي شو في عندو كلام بدون ما حد يقدر يحاسبو و هيك هي الإغنية, بيت من الخالدي و كاسحو كسح بفلو صح .
تاريخ النشر : 01.11.2010 | عدد التعليقات : 14 | عدد الزيارات : 10934 |
المزيد
من كمشة الأغاني الي تم تأخر الشبكة بنشرها لأسباب و مشاكل فنية بالإدارة ! بنرجع لننشر الأغاني القوية من هاي الأغاني فـ اليوم إغنية الفرقة النصراوية ممنوع الإغنية بتحكي بشكل خاص عن فرقة الممنوع و بحكو عن حالهم بالإغنية محمد يزبك والياس بفرسات قوية, وبشكل عام عن الهيب هوب و الي بميز الإغنية الدمج بين اللحن الشرقي و اللحن الغربي فيها والأصوات الشرقية الجميله ف اللحن .
تاريخ النشر : 01.10.2010 | عدد التعليقات : 9 | عدد الزيارات : 26316 |
المزيد
بتحس حالك بعلبي !؟ فاهم ؟ أكيد لا لإنك مش عايش بالقدس , مش عايش بالمخيم مش عايش بالضفة :) .. كم محسوم في عندك ؟ كم محسوم في عنا ؟ إنتا وين ؟ واحنا وين أصلا ؟ .. في مليون سؤال حابب أسالو لكل واحد راح يفوت يسمع الإغنية عشان تفهم ليش قاعد بسأل فيك ! الإغنية من فرقة إجتياح زي ما تعودنا صـوت تحت الأرض من القدس لحتى تحكي حقائق و وقائع ;) .
تاريخ النشر : 01.10.2010 | عدد التعليقات : 17 | عدد الزيارات : 25449 |
المزيد
البحث بالموقع 
ديماكتوري
